இத்த இன்னாண்ணு சொல்றது

ஒரு நாளைக்கு ஒரு முறையாவது

உன் விழிச்சாட்டை அடிகள்

என் மீது வீசப்படாவிட்டால் - என்

மனக் குதிரை மண்டியிட்டுக் கொள்கிறது.



என் வீட்டுக் கண்ணாடியில் என்ன

வகை மாயம் செய்தாய்,

என்னைத் தேடினால், சந்தோஷமாய்

வேறு எவனோ ஒருவன்.



பூக்களின் முகத்தை அனைவரும்

காணுவர். ஆனால் இன்றுதான்

கண்டேன், ஒரு பூவின் பின்னால்

ஒரு முழம் மல்லிகைப் பூ.



கவிஞர்களாலா கவிதை உருவானது

இல்லை, இல்லை, - இதோ

ஒரு கவிதை ஒரு கவிஞனை

உருவாக்குகிறது.